درس : ارسم قناع تنكري بكل بساطة ..!

بسم الله الرحمن الرحيم

كيف حالكم ..؟

عساكم طيبين ..؟

وشلونكم ..؟

عساكم بخير ..؟

عدت لكم بدرس جديد ..

أتمنى أن ينال على إعجابكم ..

بسم الله نبدأ ..

افتح عمل جديد بالمقاسات اللي تبغى ..



بعدين سو لاير جديد ..

وارسم دائرة بأداة التحديد بهذه الطريقة :



بحيث يكون جزء من الدائرة لا يظهر ..

بعده اصبغه بأي لون ..

ويفضل الأسود ..

بعدين حرك التحديد إلى أعلى ..

بهذه الطريقة ..



وبعده أحذف هذا الجزء ..

ملاحظة : طبعاً هذا شكل من الأشكال ..

يمكنك تغييره بطريقتك الخاصة ..

ليطلع لك هذا الشكل ..



بعد الخطوة هذي ..

سننتقل إلى أداة .. ربما صعبة عليكم .. وربما سهلة على الآخر ..

ألا وهي أداة الـ pin tool ..



طبعاً .. مجرد ما نقول هالإسم .. البعض يخاف .. ويقول هذا الدرس صعب ..

ما عليك ..

حنا بنستخدمها بطريقة سهلة ..

طبعاً خذ أداة البن تول وسو ثلاث نقاط مشكلة مثلث .. كالآتي :



ثم من نفس اللاير اضغط ضغطة واحدة مع ضغطك لـ ctrl ..

ثم احذف اللاير ..

ولاحظ .. التحديد موجود ..

زي كذا ..



بعد هذي الخطوة ..

بأداة التحديد ..

إضغط على التحديد بالزر الأيمن ..

واختر إنشاء مسار عمل ..

بالإنجليزي : mark work path ..



وحط القيمة 10.0

ليطلع لك كذا ..



الآن اضغط من لوحة المفاتيح حرف A ..

تجده قد وضع لك أداة تحديد المسار ..

اضغط الزر الأيمن عليها واختار أداة التحديد المباشر ..

بلغة أخرى السهم الأبيض

الآن اضغط على المثلث ..

يطلع لك 3 مربعات على الزوايا ..

طبعاً أنت إذا ضغطت على أي مربع من ذولي ..

بيطلع لك على يمين ويسار المربع كم خط طويل ..

الخطوط هذي اللي طلعت ..

تغيير الزوايا والخطوط والميلان الخاص في هالزاوية ..

طبعاً أنت جرب تلعب بالخطين ..

أظن أنك فهمت الشغلة ..

وأظن بهذه الطريقة أنك قادر تسوي شكل عين ..

المهم ..

أنا رسمت العين بطريقتي



و



بعد الخطوة هذي ..

بأداة تحديد المسار ..

أو السهم الأسود ..

حدد على الشكل ..

وسو لاير جديد ..

وحط اللون الأمامي أبيض واللون الخلفي أسود ..

يعني أعكس الألوان المعتادة ..

ثم اضغط على الشكل بالزر الأيمن ..

واختر ..

داخل المسار ..

بالإنجليزي : fill path ..



ثم مرة ثانية اضغط بالزر الأيمن ثم اختر حذف المسار ..

بالإنجليزي : delete path ..



بعد هذه الخطوة ..

انسخ اللاير حق العين ..

وإن بغيت تخلي العينين مختلفات سو اللي تبغى ..

أنا نسختها ..



و سو لاير جديد

ثم اختر أداة الخط امستقيم ..

طبعاً إذا تبغاه مستقيم .. اضغط shift واسحب ..

وألا وهي رقم خمسة في هذه الصورة ..



واختر من الأنواع فوق هذا النوع ..



واضغط shift وسو لك خشم بطريقة رسمك الخاصة ..

طريقتي في الرسم :



طبعاً بيطلع الخط موهب عريض ..

أنت سو له تأثيرات وحد وخله عريض ..

وبعد هذه الخطوة ارسم الدوائر اللي في العيون مدري وش اسمها

عاد على كيفك ارسمها ..



نرجع للبن تول ..

وسو لك لاير جديد ..

وحط أربع مربعات يكونن لك مستطيل ..

خذ راحتك في رسمها ..



ثم ..

سو نفس الطريقة اللي سويناها بالعين ..

واجعله وميله على كيفك ..



طبعاً وكمل الخطوة ..

وارجع لأداة الخط المستقيم ..

وسو لاير جديد ..

وحط لك كم خط ما بينها إلا سانتي متر واحد ..

بالإنجليزي : 1cm



ثم ارجع للاير ..

واضغط alt بين الطبقتين الأولتين بااتل ..

بيطلع لك شكل غريب .. مدري وشو ..

عاد إذا طلع هالشكل .. اضغط بين الطبقتين ..

راح يصير كذا ..



وراح تصير الخطوط داخله في نفس الفم مو طالعه ..

ثم سو تعديلات على كل اللي تبغى ..

تغيير اللون ..

ولا إضافة مؤثرات على العين .. على ما يقولون (( مكياج ))

وانسخ القناع وصغره زي كذا ..



بس تضيف لمسة حلوة ..

على العموم عدل على اللي تبغى ..

اضغط على العين اللي يسار الخلفية (( الباكقراوند )) يعني أخف الخلفية ..

ويصير ما فيه خلفية ..

وبعدين تشوفون السهم اللي فوق درجة التظليل ..

سهم متجة نحو تحت ..

واضغط عليه واختر دمج مرئي ..



ثم اضغط مرة ثانية على مكان العين اللي يسار الخلفية (( الباكقراوند )) يعني أظهر الخلفية ..

واضغط على القناع ..

ثم من قائمة مرشح ..

بالإنجليزي : Filter ..

اختر نسيج ..

مدري وش معناها بالإنجليزي ..

على العموم الثالثة من تحت ..

ومن ثم أنسجة ..

مدري وش معناها بالإنجليزي ..

لكنها أول وحدة ..



ومن ثم ..

سو الوزنية التالية ..



ترا يمين بالإنجليزي : right على ما أظن ..

ليخرج هكذا ..



تطبيق آخر :



ملاحظة : أنا لا ألزمك على شيء معين أو على شكل معين ..

عطيتك الأساسيات .. وأنت أبدع ..

ملاحظة : بالنسبة للإضافات وما الإضافات ..

أنت سوها على كيفك .. واللي عنده أفكار جديدة وفريدة يكتبها لنا ..

ملاحظة : يمكنك استبدال طريقة رسم العين بالبن تول بأداة تحديد الدائرة ..

ملاحظة : يمكنك استبدال طريقة رسم الفم بأداة المستطيل دائري الزاويا أو المستطيل ..

ملاحظة : إن في هذا الدرس دروس أخرى كدرس إدخال شيء بشيء آخر أو درس الرسم بالبن تول وغيرها ..

ملاحظة مهمة : يمكنك استبدال الرسم بالبن تول بالرسم بقلم الرصاص ( pancel tool ) ..

ولكن يبغالها دقة ..

ملاحظة : صور الأدوات مأخوذه من موضوع الأخ SUN بارك الله فيها ..

ملاحظة : إن ما ترونه من نتائج كان شغل سرعة ..

فالمبدع والدقيق .. سيصنع نتائج أفضل ..

ملاحظة : أخي في الله ..

أنا تعبت في رفع الصور والشرح .. والفكرة ..

فأرجوا عدم النقل ..

وإن نقلت أخي ..

أرجو منك ذكر المصدر ..

osamh - iseeem.blogspot.com

وهذا وصلى الله على نبيينا محمد وعلى آله وصحبه أجمعين ..

أخوكم ..

O S A M H

والله ولي التوفيق ..

والسلام عليكم ورحمة الله وبركاته ..